Dy ditë pas largimit nga vendi, presidenti i Sri Lankës, Gotabaya Rajapaksa ka dhënë zyrtarisht dorëheqjen nga detyra përmes një e-maili.
Rajapaksa u largua nga vendi dhe u strehua fillimisht në Maldives së bashku me bashkëshorten, për të udhëtuar më pas në drejtim të Singaporit.
Lajmi u konfirmua dhe nga Ministria e Jashtme në Singapor, e cila në një notë verbale shkruan se Rajapaksa nuk ka kërkuar azil, por ka hyrë në vend në një vizitë private.
Protestat për mbi 1 muaj i dhanë fund dinastisë së familjes presidenciale Raxhapaksa, që drejtoi Sri Lankën për dekada të tëra.
Qytetarët e Sri Lankës kanë akuzuar dhe fajësuar administratën e ish-presidentit Raxhapaksa për krizën më të keqe ekonomike në dekada. Për muaj të tërë, ata u përballën me ndërprerje të vazhdueshme të energjisë elektrike, si dhe me mungesa në të mirat bazike, ushqim, karburant e medikamente.
