Erisa Xhixho, nënkryetare e LSI ka qenë e ftuar në emisionin “Të Paekspozuarit” në MCN TV, ku foli për aferën e inceneratorëve, që e quan “skemë piramidale” që sipas saj, nuk mund të ndodhte pa urdhër të Edi Ramës.
“Ky është një evazion fiskal që bëhet nga kompanitë fiktive, pra në mënyre fiktive ndodhin fatura sepse duke rritur kostot mund të marrësh mbrapsht TVSH dhe skema bëhet për të justifikuar shërbimet dhe kosto që ti kryen në investimet në tre inceneratorët. Kemi nxjerrë 24 kompani të cilat figurojnë fiktive me deri 5-8 punëtorë.
Pra, është e gjitha një piramidë, që e kemi të qartë se pa urdhrin e Ramës kjo skemë kriminale nuk mund të ekzistonte, gjithë ky grup ka funksionuar për të justifikuar kostot, për të marrë TVSH, dhe pa mbështetjen e Ramës, dhe të gjithë kupolës është e pamundur të implementohet, dhe sot kërkohet se ku kanë shkuar ato para” tha Xhixho.
