Një i ri është gjetur i pajetë nga familjarët këtë mëngjes në fshatin Çidhën të Dibrës. Sipas hetimeve paraprake të policisë, 28-vjeccari i cili kishte probleme të shëndetit mendor, është mbytur në ujësjellësin e centralit të vjetër.
“Rreth orës 06:45, në vendin e quajtur ‘Ujëmbledhësi i centralit të vjetër’, në fshatin Çidhën, është gjetur nga familjarët, pa shenja jete, shtetasi B. T., 28 vjeç, banues në fshatin Çidhën, Dibër, i cili vuan nga probleme të shëndetit mendor”, njofton policia.
Nga deklarimet paraprake të familjarëve, dyshohet se shtetasi B. T. është vetëmbytur në ujëmbledhësin e centralit, shtojnë të njëjtat burime.
Grupi hetimor vijon hetimet për zbardhjen e rrethanave të ngjarjes, mbyllet njoftimi i bluve.
