Krisma armësh në ambientet e Universitetit Aristoteli në Selanik. Ngjarja ka ndodhur mbrëmjen e së hënës, ndërsa mediat greke raportojnë se një grup personash kanë hyrë brenda kampusit dhe u konfliktuan me disa persona të tjerë.
Gjatë përleshjes u qëllua me armë. Nga dëshmitarët raportohet se u dëgjuan 6 të shtëna armësh. Të paktën një person mbeti i lënduar, por u largua nga vendngjarja përpara se të mbërrinte policia.
Pesë vetë të dyshuar si të përfshirë në ngjarje janë ndaluar nga policia dhe u shoqëruan për t’u pyetur.
Në vendngjarje policia gjeti pesë gëzhoja dhe një predhë plumbi.
