Kreu i SPAK, Arben Kraja, ka zhvilluar një takim me prokurorin kombëtar të Antimafias dhe Antiterrorizmit në Itali, Giovanni Melillo.
Takimi është publikuar në faqen zyrtare të SPAK dhe mësohet se pjesë e diskutimeve ka qenë mundësia e ngritjes së bashkëpunimin në nivele më të larta mes dy institucioneve shqiptare dhe italiane.
“Drejtuesi i SPAK zhvilloi një takim me z Giovanni Melillo, Prokuror Kombëtar Antimafia & Antiterrorizëm në Itali. Homologët diskutuan rreth bashkëpunimit shumë të mirë mes dy institucioneve dhe u ra dakord të ngrihet në një nivel më të lartë puna e përbashkët”– thuhet në njoftimin e SPAK në twitter.
