Jemi në vitin 2022, por vuajmë ende mungesën e shërbimeve bazë si furnizimi me energji elektrike. Për një qytetar Të Bashkimit Europian, ku dhe Shqipëria synon të jetë pjesë, kjo është thjesht e turpshme. Megjithatë, Operatori i Shpërndarjes së Energjisë Elektrike, enti i vetëm që operon në vend në këtë fushë, duke se nuk e ka fare problem!
Pre 48 orësh, disa fshatra në Berat, qytetin me të cilin qeveria mburret duke numëruar numrat në rritje të turistëve, nuk kanë energji elektrike.
Sot, në këtë të Shtunë kur besimtarët myslimanë kremtojnë Kurban Bajramin, banorët e fshatrave të Beratit, edhe ata besimtarë, nuk kanë energji elektrike.
Kompania shtetërore po operon për turp dhe ndoshta banorët, në lutjet e tyre Zotit në këtë ditë Bajrami, po kërkojnë edhe pak energji elektrike.
Probleme të tilla raportohen në mënyrë periodike në fshatra e qytete të ndryshme të vendit, me energjinë elektrike që stakohet pa paralajmërim, ndërsa OSHEE duket e pafuqishme për tu ofruar abonentëve shërbimin për të cilit paguhet.
Ku shkojnë miliardat që arkëton? Pse nuk u sigurohet abonentëve energji elektrike pa ndërprerje edhe pse paguhet pikërisht për këtë?
Pyetje që vijojnë të bëhen prej vitesh, me problemin që mbetet i pazgjidhur, ndërsa vetë kompania duket e fokusuar te tenderat e dyshimtë disa-milionësh…
