Fotot e Georgina Rodriguez-it, partneres së Cristiano Ronaldos, gjatë pushimeve në Ibiza bënë xhiron e rrjetit dhe disa media e tepruan me titujt bullizues që komentonin trupin e saj.
Georgina ka reaguar dhe ka publikuar në Instastory një artikull të shkruar nga “Glamour”, i cili titullohet “Georgina Rodríguez me bikini pas lindjes është gruaja e fundit e padukshme”.
Në artikull shkruhej: “Imazhet e saj me rroba banje gjatë pushimeve në Ibiza janë bërë një mundësi e re për mediat dhe rrjetet sociale që të gjykojnë pamjen e saj fizike dhe të harrojnë ta shohin historinë e saj, jetën e saj dhe çfarë tregon fytyra e saj.”
Më pas bëhet një krahasim i saj me Princeshë Dianën, se si asokohe, bëhet fjalë për vitin 1990 askush nuk e komentoi trupin e saj ndërsa Georgina është imazhi që përcakton kohën tonë, kur komentohet me kaq detaje trupi i një vajze vetëm tre muaj pas lindjes së dy foshnjave, njëri nga të cilët ndërroi jetë.
Georgina nuk i ka shtuar asgjë këtij artikulli, duke mbështetur çdo fjalë që është shkruar.
