Laçi e mbylli në barazim 0-0 takimin e parë të Conference League përballë Iskras. Kurbinasit do luajnë më 14 korrik ora 21:00, ndeshjen e kthimit në Malin e Zi.
Do jetë pikërisht “DG Arena Ljeskopolje” që do presë bardhezinjtë. Stadiumi i Podgoricës nuk duket me fat për Laçin, që u mposht verën e kaluar nga Podgorica me rezultatin minimal 1-0, për të përmbysur më pas gjithçka në “Elbasan Arena”.
Kësaj here fati solli që Laçi ta luante takimin e parë në shtëpi dhe ndeshjen e kthimit në transfertë. Dhe pse barazim, gjykimi u kontestua pasi Laçit ju mohua qartësisht një penallti.
Djemtë e Shpëtim Duros që shihen më favoritë në këtë çift, duhet të tregojnë aftësitë e tyre më 14 korrik për të arritur turin e dytë të Conference League.
