Novak Djokovic ishte autor i një përmbysje madhështore në çerekfinalen e Wimbledon teksa përballë kishte italianin Jannik Sinner, numrin tre në renditjen botërore.
Tenisti serb ishte duke humbur me rezultatin 0-2, megjithatë gjeti forcat dhe në fund fitoi me shifrat 3-2 (5-7, 2-6, 6-3, 6-2, 6-2).
Talenti 20-vjeçar u duk se do të përmbushte një tjetër surprizë në terrenin britanik, teksa më parë eliminoi Alcaraz apo Isner.
Gjithsesi, përballë ishte një ekspert si Nole (fitues i 20 titujve Grand Slam), i cili me eksperiencën e tij nuk e humbi për asnjë moment qetësinë dhe ia doli të kualifikohej kështu në gjysmëfinalen e Wimbledon teksa përballë do të ketë fituesin e çiftit Goffin-Norrie.
Djokovic tashmë është në rrugë për titullin e tetë të Wimbledon që do të ishte edhe i katërti radhazi.
