Kryetarja e LSI-së, Monika Kryemadhi ka publikuar dokumente të reja lidhur me skemën e aferës së incineratorit të Tiranës.
Ajo tha se SPAK duhet të hetojë edhe çështjen e hedhjes së dherave në incinerator, duke thënë se kompanitë e ndërtimit shkëmbejnë hedhjen e dheut me klering me apartamente.
Sipas saj, kompanitë e ndershme të ndërtimit që nuk pranojnë nënkontraktorë me para droge, janë të detyruar që të paguajnë për hedhjen e dherave në incenerator.
“Këtu janë të gjitha dherat që kanë hedhur firmat e ndërtimit. SPAK-u mund të ketë një tjetër mënyrë për hetimin e dherave dhe mund të hetohet me dronë smart që shohin volumin dhe vlerësimin e gropave të hapura të ndërtimit. Këto firma ndërtimi janë kthyer në pjesën më të madhe në lavatriçe parash e kanë konvertuar dheun në klering për apartamente me kompanitë e incineratorëve. Nëse një biznes i ndershëm nuk pranon të fusë nënkontraktor një kompani që me para nga droga e evazioni fiskal, ata janë të detyruar që ta derdhin dheun me para në incenerator duke u peshuar. Ndërsa kompanitë e tjera që pastrojnë paratë me këto kulla, ato konvertohen me klering. Pra derdhen dherat në inceneratorë dhe jepen apartamente”, tha Kryemadhi.
