Zëdhënsi i Kremlinit, Dmitry Peskov thotë se Perëndimi është duke vënë bast për vahzdimin e luftës, duke mos e lejuar Kiedin që të flasë për paqe.
Megjithatë, ai shprehet i bindur se vendet perëndimore do të arsyetojnë dhe se negociatat për paqe me Kievin do të rifillojnë, shkruan agjencia ruse e lajmeve, Tass.
“Tani është momenti kur vendet perëndimore vënë bast për vazhdimin e luftës. Kjo do të thotë se vazhdon momenti kur vendet perëndimore, nën udhëheqjen e Uashingtonit, nuk i lejojnë ukrainasit të mendojnë apo të flasin për paqen.
Por ne nuk kemi dyshim se herët a vonë do të mbizotërojë arsyeja e shëndoshë dhe do të vijë sërish radha e negociatave”, u shpreh ai.
Ai theksoi se përpara se të rifillojë procesi i negociatave, Ukraina do të duhet të kuptojë kushtet e Moskës.
