Futbollisti i njohur Gabriel Milito ishte në qendër të vëmendjes nw Argjentinë për shkak të incidentit që shkaktoi gjatë ndeshjes kundër Central Cordoba, ku u përlesh me ndihmës trajnerin kundërshtar.
Skuadra e tij Argentinos Juniors fitoi në ndeshjen e sipërpërmendur të javës së 6-të me rezultat 2-1, por këtë e bëri pa trajnerin Milito, i cili mori karton të kuq në minutën e 38-të për kundërshtim të vendimeve .
Përveç kësaj, ai u konfliktua me asistenten e skuadrës kundërshtare Facunda Garec, i cili gjithashtu u përjashtua, e më pas konflikti vazhdoi në tunel dhe nga një përplasje verbale u kthye në një përplasje fizike.
Në video shihet se në një moment ka pasur një shkëmbim grushtesh dhe në fund rojet e sigurisë kanë arritur të ndajnë me shumë vështirësi trajnerët luftarakë.
Për shkak të sjelljes së tij të dhunshme, Milito u ndalua dhe u dërgua në komisariat me një automjet policie, ku dha një deklaratë. Pas kësaj, ai u lirua dhe u kthye në shtëpi me ekipin.
Gabriel Milito e filloi karrierën e tij të futbollit në 1997 në Independiente, pas së cilës u transferua në Zaragoza në 2003. Katër vite më vonë iu bashkua Barcelonës dhe e veshi fanellën e këtij klubi për katër sezone, pas së cilës e mbylli karrierën te Independiente.
