“Sunny Hill Festival” këtë vit do të mbahet në Prishtinë, por edhe në Tiranë. Kanë nisur tashmë të konfirmohen edhe artistët e parë që do të marrin pjesë në këtë event kaq të rëndësishëm kulturor.
Përveç artistëve të njohur si Diplo, Skepta, DJ Regard, AJ Tracey, Mahmood dhe artistët më të njohur shqiptarë, në këtë edicion do të zbulohen edhe dy artistë shumë të mëdhenj botërorë, të cilët do të marrin pjesë. Ndërkohë, së fundmi është konfirmuar edhe prania e artistit latin me famë botërore J Balvin.
Emri më i lakuar për të marrë pjesë në këtë festival ishte Madonna. Diva e muzikës botërore u përfol si një ndër të ftuarat në festival, por duket se nuk do të jetë kështu.
Burime zyrtare nga qeveria e Kosovës bëjnë me dije se është fondacioni ai që vendos për të ftuarit dhe deri më tani nuk është përmendur emri i Madonnës si pjesë e artistëve që do t’i bashkohen Dua Lipës në skenë.
