Miliarderi britanik Bernie Ecclestone shokoi me deklaratën e tij kur tha se “pranon të marrë plumbin” në vend të diktatorit rus Vladimir Putin duke shtuar se pushtimi i Ukrainës ishte gjëja e duhur për të bërë, pasi Zelenski duhet të kishte bërë më shumë për ta evituar atë.
Në një tjetër koment të kontestuar nga mediat britanike ai i doli në mbrojtje mikut të tij Nelson Piquet i cili ofendoi pilotin Lewis Hamilton me fjalën “e ndaluar” racore ‘nigger’(zezak).
Në një intervistë të çuditshme në programin televiziv “Good Morning Britain” ish-pronari 91 vjeçar i Formula 1 quante diktatorin 69-vjeçar Putin një ‘person i klasit të parë’ dhe ‘shumë i arsyeshëm’.
Kampionati automobilistik F1 dha shpejt një deklaratë ku distancohej nga komentet e Eclestone dukje thënë se ato “ishin në kontrast me vlerat moderne të sportit tonë”.
Eclestone tha se humbjet e jetëve të civilëve ‘nuk janë të qëllimshme’.
Miliarderi është një admirues i vjetër i Putin me të cilin janë parë shpesh bashkë në evente sportive. Miqësia e tyre erdhi pas hapjes së etapës ruse të kampionatit F1 në vitin 2014, raporton Daily Mail.
