Ylli i muzikës botërore, J Balvin, do jetë në ‘Sunny Hill Festival’ dhe lajmi është dhënë nga organizatorët e festivalit.
José Álvaro Osorio Balvín, i njohur me emrin e artit si J Balvin, është një këngëtar kolumbian, i cilësuar edhe si “Princi i Reggaeton”. Ai është një nga artistët më të shitur të muzikës latine me shitje prej më shumë se 35 milionë disqe në mbarë botën.
Në vitin 2020 ai bashkëpunoi me Dua Lipën për këngën ‘One Day’ një nga hitet më të mëdha të asaj vere që sot numëron 300 milionë klikime.
‘Sunny Hill’ do mbahet në Prishtinë në datat 4, 5,6 dhe 7 gusht. Një edicion i veçantë me një line-up do të mbahet në fund të muajit gusht në Tiranë më 26, 27 dhe 28 gusht. Gjithashtu bëhet e ditur se përveç artistëve të njohur si Diplo, Skepta, DJ Regard, AJ Tracey, Mahmood dhe artistët më të njohur shqiptarë, për këtë edicion do të zbulohen edhe dy artistë shumë të mëdhenj botëror të cilët do marrin pjesë.
