Sipërmarrësja 27-vjeçare, e cili vjen nga provinca Cebu në Filipine, fitoi kurorën e më të bukurës. E nisur në vitin 2004, Miss International Queen është e hapur për gratë transgjinore.
Ravena ishte në mesin e 23 garuesve që morën pjesë në konkurs. Në rubrikën pyetje dhe përgjigje, Ravena tha se qëllimi i të qenit një mbretëreshë bukurie transgjinore ishte “të frymëzonte njerëzit e tjerë”.
“Gjithmonë mendoj se pasuria më e bukur e të qenit njeri dhe një grua trans nuk është thjesht një kokë e mbushur me njohuri — (ajo) duhet të jetë një zemër plot dashuri dhe respekt, një vesh që është gati për të dëgjuar dhe duar që (janë) të gatshme të ndihmojnë njerëzit e tjerë”, tha ajo në skenë.
Në një video të publikuar nga organizatorët e konkursit përpara shfaqjes, Ravena tha se kalimi i saj gjinor “nuk ka qenë i lehtë”.
“Pranimi nga familjarët e mi është dhurata më e mirë që kam marrë gjatë udhëtimit tim trans”, tha Ravena, e cila më vonë ia kushtoi fitoren nënës së saj. “Komuniteti trans ka ende (tani) për të bërë në luftën për barazi. Dhe meqë më është dhënë fjala, me të vërtetë dua ta maksimizoj këtë mundësi dhe të bëj një ndryshim sa më shumë që të mundem.”
