Detyrën e trajnerit që mbante Ledio Pano te Partizani U17, do e marrë Ylli Shehu. Kështu drejtuesit e kuq kanë menduar ta zëvendësojnë figurën e shquar të ish- trajnerit, me një tjetër element nga familja e kuqe.
Ylli Shehu kujtohet nga tifozët e kuq dhe ka të shkruar emrin e tij prej vitesh në librin e artë, si futbollist dhe më pas te moshat e të kuqve.
Largimi i Ledio Panos nga Partizani u kthye në çështje për të kuqtë, ku u përfshinë mjaft ish- futbollistë, shumë tifozë dhe të tjerë nga opinioni sportiv. Ledio drejtonte ekipi U17 të “Demave” i cili u shpall kampion në Kategorinë e Parë sezonin e fundit, për t’u kthyer në elitë.
