Eksperti i kriminalistikës, Ervin Karamuço, i pranishëm në emisionin “Open” ka folur për arrestimin e dy zyrtarëve të lartë të policisë dhe pezullimin e 6 efektivëve, në lidhje me vrasjen e Pjerin Xhuvanit.
Sipas Karamuços, dy të arrestuarit, Albert Nushi dhe Nikollaq Palla, kanë kryer shumë shkelje të ligjeve dhe thekson se është e pafalshme që të mos bëhen nga ana e tyre veprimet elementare në këto raste.
“Nuk di nëse ngjarja është manipuluar. Me shpërdorim detyre ata kanë shkelur shumë ligje. Këtyre nuk iu falet që të mos bëhen veprimet më elementare. Nga ana subjektive kush ishin motivet që kanë lejuar ardhjen e atyre pasojave. Të dy ishin drejtues të lartë policie, që do të thotë se veprimet duhej të ishin bërë më mirë”, tha Karamuço.
