Kantautori Elgit Doda dhe moderatorja Klea Huta janë prindër të një djali, Kridit, i cili pak javë më parë festoi përvjetorin e dytë të lindjes. Në këtë ditë speciale, producenti i propozoi Kleas për martesë.
Së fundmi, i ftuar në “Piter Pan”, Elgiti u pyet se si e bëri për vete Klean.
“Të ishte që të më zgjidhte ajo mua s’më zgjidhte por e zgjodha unë. Na takon ne meshkujve ta zgjedhim ne femrën dhe t’i mbushim mendjen që jemi të mirë”, tha ai.
Duke u ndalur tek propozimi romantik, ai tha ishte vonuar aq shumë për të bërë diçka të tillë.
“Nuk e kisha bërë më herët edhe e bëra në momentin e duhur, në ditëlindjen e Kridit. E kisha harruar tek xhepi i pantallonave të tjera prandaj e bëra kaq vonë. Edhe ne të mëdhenjtë bëjmë ndonjëherë gabim, por më mirë vonë sesa kurrë. Unë e bëra në ditëlindjen e Kridit me unazën që ajo e ka aq shumë qejf. Unë jam pak harrakat, i harroj gjërat”, tregoi ai.
