Disa ditë pasi maturantët kryen edhe provimin e fundit, atë të lëndës me zgjedhje, kanë dalë edhe rezultatet.
Nga 29775 maturantë që i testuan, 1144 maturantë kanë marrë notën 4.00, duke ngelur, ndërsa 128 maturantë kanë arritur të marrin notën 10.00.
Kalueshmëria për provimet me zgjedhje është 96.16% ndërsa nota mesatare është 7.52.
Maturantët kanë përfunduar tashmë të gjitha provimet, ata të detyruara dhe me zgjedhje.
Edhe ky vit është shoqëruar me problematika. Ka pasur raste që tezat janë publikuar në rrjetet sociale, teksa maturantët zhvillonin provimin.
Maturantët kanë pasur pretendime lidhur me provimin me zgjedhje të biologjisë. Ata protestuan duke kërkuar përsëritje të testit, pasi sipas tyre, pyetjet ishin jashtë programit.
Nga ana tjetër, ministrja e Arsimit Evis Kushi reagoi këtë të hënë duke deklaruar se testimi ishte në rregull me çdo kriter shkencor.
Për të parë notën që keni marrë në provim, klikoni KËTU
