Kontrolli i autoriteteve arsimore duket se ka dështuar edhe njëherë në testimin e lëndëve me zgjedhje.
Vetëm disa minuta pas orarit të përcaktuar për nisjen e provimit, në rrjetet sociale janë publikuar fotografi të tezave, edhe pse me rregullore është e ndaluar.
Teza e lëndës së Biologjisë dhe Fizikës është publikuar në rrjet, duke konfirmuar edhe njëherë dështimin për sigurimin e një testimi në kushte të barabarta për maturantët.
E njëjta situatë është hasur edhe në testimet e mëparshme.
Lëndët me zgjedhje shënojnë provimin e fundit të maturës së këtij vitit, që më herët kanë zhvilluar testimet e tjera.
Deri më tani, kanë dalë vetëm rezultatet e provimit të Gjuhës së Huaj.
