Rupert Murdoch dhe Jerry Hall do të divorcohen pas gjashtë vitesh.
Miqtë e 91-vjeçarit dhe ish-modeles 65-vjeçare janë befasuar nga ndarja e papritur e çiftit, shkruan New York Times.
Kjo ishte martesa e katërt për Murdoch, pasuria e të cilit vlerësohet të jetë rreth 14 miliardë paundë. Ndërsa për Hall kjo ishte teknikisht martesa e parë pas një lidhje 22-vjeçare me këngëtarin e Rolling Stones, Mick Jagger me të cilin ka katër fëmijë.
Nuk dihet nëse Murdoch dhe Hall kishin nënshkruar një marrëveshje paramartesore.
Bizneset e Murdoch përfshijnë Sky TV, gazetat The Sun dhe Times. Ai zotëron gjithashtu rrjetin televiziv amerikan Fox News dhe Wall Street Journal, së bashku me disa sipërmarrje në vendlindjen e tij Australi.
