Autorja Olsa Muhameti ka treguar deri më tani disa detaje për programin më të ri që do të nisë, ‘Kepi i Tundimeve’.
“Janë dhjetë beqarë, pesë vajza, pesë djem që rrinë me rroba banje gjatë gjithë kohës, që jetojnë me njëri tjetrin. Ata e kanë marrë si një aventurë verore dhe kështu po përjetohet. Janë dy vila. Do të jenë brenda një ambienti që ka disa rregulla. Zbatimi i rregullave i bën ata të fitojnë çmimin final, nëse i thyejnë rregullat, nuk do të kenë mundësinë të fitojnë çmimin final”, tha më herët Olsa.
Kësaj here, ajo i është përgjigjur pyetjeve të ndjekësve në “Instastory”. Dikush e pyet se kush do ta prezantojë programin e ri. Mirëpo, Olsa bëri me dije se programi nuk do të ketë prezantues. Kështu që ajo konfirmon se Bora Zemani nuk do të jetë moderatorja e emisionit.
