Rowan Atkinson ka pohuar se është “puna e komedisë të ofendojë”. Ylli i Mr.Bean dhe Johnny English, i cili rikthehet në ekran në serialin e ri të Netflix “Man vs Bee”, ndau pikëpamjen e tij mbi këtë temë, duke thënë se humoristët duhet të jenë në gjendje të bëjnë shaka për “absolutisht çdo gjë”.
Atkinson, 67 vjeç, i tha Irish Times: “Më duket se puna e komedisë është të ofendojë, ose të ketë potencialin për të ofenduar, dhe nuk mund të shkarkohet nga ky potencial. Çdo shaka ka një viktimë. Ky është përkufizimi i një shakaje. Dikush ose diçka ose një ide është bërë për t’u dukur qesharake. Mendoj se duhet të jesh shumë, shumë i kujdesshëm për të thënë atë për të cilën lejohet të bësh shaka. A duhet të bësh gjithmonë? Po sikur të jetë dikush jashtëzakonisht i vetëkënaqur, arrogant, agresiv, i cili ndodh të jetë më poshtë në shoqëri? Nuk janë të gjithë në dhomat e parlamentit apo në monarki.
Ka shumë njerëz jashtëzakonisht të vetëkënaqur dhe me vetëbesim, te ajo pjesë e shoqërisë që nuk janë shumë lart, të cilët gjithashtu meritojnë të tërhiqen. Në një shoqëri të mirëfilltë të lirë, ju duhet të lejoheni të bëni shaka për absolutisht çdo gjë”.
