Një valë të nxehti e hershme intensive po përhapet në Evropën Perëndimore, me temperatura në shumë vende që arrijnë 40 gradë Celsius, të shtunën.
Temperaturat ishin të larta në pjesën më të madhe të Evropës Perëndimore në ditën e parë të fundjavës. Franca dhe Gadishulli Iberik janë goditur rëndë.
Në Francën jugperëndimore, pati temperatura prej 42 deri në 43 gradë Celsius, pasi qyteti i Biarritz theu një rekord “absolut” të temperaturës.
Pothuajse tre të katërtat e popullsisë së Francës, rreth 45 milionë njerëz, iu dhanë alarme të nxehtësisë, në atë që është vala më e hershme e të nxehtit e regjistruar ndonjëherë në Francë.
Për disa në Paris, veçanërisht ata që jetonin në apartamente të ngushta dhe të vjetra, vapa përvëluese ishte e tepërt për t’u duruar.
