Dalin para gjykatës dy të arrestuarit për punishte e modifikimit të armëve dhe silenciatorëve.
Ervis Bakalli, dhe Dorian Kalo kanë dalë sot përpara gjykatës së Tiranës për tu njohur me masën e sigurisë, pasi në banesën e Bakallit u zbulua një depo e modifikimit të armëve.
Përpara togave të zeza të kryeqytetit Dorian Kalo ka mohuar se ka lidhje ne armët e gjetura dy ditë me parë në një banesë në zonën e Kodër Mëzezit.
Nëpërmjet avokatit të tij mbrojtës, Kalo ështe shprehur se ai bënte piktura murale kur gjente punë, ndërkohë që paradite punonte si berber.
Ndërkohë, prokurorira në kërkesën e saj për masën e sigurisë, thotë se fillimisht policia ka shkuar në banesën ku u gjendën armët pasi ishte sinjalizuar se një nga ambjetet e saj ishte përshtatur për shtëpi bari, por nga kontrolli u zbulua edhe depoja që ishte përshtatur për modifikimin e armëve.
Pas dëgjimit të palëve, gjykata vendosi ti lërë nën masën arrest me burg pa afat të arrestuarit.
