Kavaja dhe Vora janë dy bashkitë me vështirësi të mëdha ekonomike. Të dhënat i bëri me dije ministrja e Financave, Delinda Ibrahimaj në mbledhjen e thirur nga kryeministri Edi Rama me kryebashkiakët.
Ministrja tha se janë 10 bashki me vështirësi ekonomike, por më rëndë janë Vora dhe Kavaja. Ibrahimaj kritikoi kryebashkiakët, pasi të dy qytetet kanë potenciale të mëdha për të mbledhur të ardhurat.
“Nga 10 kemi 14 bashki që janë me probleme financiare. Dhe kemi 10 bashki me vështirësi financiare. Kemi edhe një kategori me vështirësi ekonomike serioze. Janë bashkia Kavajë dhe Vorë. Janë dy bashki me potencial të lartë. Në rastin e Kavajës është një bashki që gjatë sezonit verior ka një potencial të lartë të të ardhurave. Edhe bashkia Vorë ndodhet pranë Tiranës dhe aeroportit.
Ka një potencial të lartë ekonomik. Janë disa mësime që ne kemi nxjerrë nga hartimi i raportit. O pari ka të bëjë që gjatë këtij viti do të propozojmë një ndryshim ligjor. Këtë analizë ta bëjmë mbi buxhetit faktit dhe jo atë të planifikuar”, tha ministrja.
Brenda datës 15 korrik bashkitë të dorëzojë një plan të detajuar për masat që do të marrë bashkia në kuadër të daljes nga situata e vështirësisë financiare në bazë të vështirësive që ka.
Në bashkitë me vështirësi serioze ky plan do të hartohet nga ministria e Financave dhe do të miratohet nga këshillat bashkiakë dhe do të kushtëzohet në buxhet brenda datës 30 korrik.
“Tre bashkitë që kanë përkeqësuar situatën e tyre financare gjatë 2021 janë Cërriku, Belsh, ndërsa Malësia e Madhe pa problem financiare në 2020 ka kaluar në 2021 51.83 % të detyrimeve të prapambetura”, tha ministrja.
