Festimet shpërthyen në rrugët e Kosta Rikës pasi u bë shteti i fundi që i bashkohet Kampionatit Botëror 2022, i cili zhvillohet në Katar.
Një ndër eventet më të bukura sportive nis me fazën e grupeve; 32 skuadra që janë ndarë në 8 grupe e në secilin grup ka 4 ekipe.
Ekipet evropiane e veçanërisht grupi E ku ndodhet Spanja e Gjermania mbeten favorite të kampionatit, një garë ku do të mungojë Italia, e cila nuk arriti të kualifikohej.
Zvicra ku luajnë edhe dy futbollistë shqiptarë ndodhet në të njëjtin grup me Serbinë.
Kampionati nis në 21 nëntor dhe përfundon në 18 dhjetor të 2022.
Me motin e nxehtë, të 8 stadiumet, kanë ambiente të pajisura me teknologjinë e ftohjes për të mbajtur temperaturën në 27C. Mjafton një orë për të lëvizur nga njëri stadium tek tjetri, 7 prej tyre janë ndërtuar posaçërisht për kampionatin botëror.
