Shkrimtarja romantike, Nancy Crampton Brophy, parashikoi krimin e saj në një ese të titulluar “Si të vrasësh burrin tënd”.
Së fundmi ajo u shpall fajore për vrasjen me armë zjarri të bashkëshortit të saj. Crampton Brophy, tashmë 71 vjeçe u shpall fajtore për vrasje të shkallës së dytë muajin e kaluar. Juria zbuloi se ajo qëlloi bashkëshortin e saj në vitin 2018 me të cilin kishte jetuar prej 26 vitesh për një pagesë prej 1.5 milion dollarësh të sigurimit të jetës.
Përpara krimit, ajo ishte një autore romanesh romantikë si “Burri i gabuar” apo “Dashnori i gabuar”.
Burri i saj i ndjerë, Daniel Brophy ishte një kuzhinier dhe mësues i respektuar në Institutin Kulinar të Oregonit. Ai u gjet i vrarë me dy plumba në kuzhinën e Institutit në qershor 2018.
Rasti tërhoqi shumë vëmendje për shkak të një eseje që Crampton Brophy kishte shkruar vite përpara krimit me titull “Si të vrasësh burrin tënd”.
Dënimi i saj i përjetshëm, i dhënë të hënën, mbart mundësinë e lirimit me kusht pas 25 vitesh. Avokatët e saj thanë se planifikojnë të apelojnë.
