Dafina Zeqiri është një prej artisteve më të suksesshme shqiptare. Me një karrierë të gjatë prej 15 vitesh, Dafina numëron projekte të ndryshme dhe hite të shumta teksa mbetet aktive më koncerte e mbrëmje muzikore.
Dafina ka zbuluar se është në përgatitje të një dokumentari për të shënuar karrierën e saj të gjatë muzikore.
E ftuar në emisionin “Why Not” me Roza Latin, Dafina ka treguar detaje rreth dokumentarit duke thënë se pritet të publikohet në fundit të këtij viti ose më së largu në fillim të 2023.
“Këtë vit e festoj 15 vjetori e karrierës kam vendosur që në bashkëpunim me një gazetar suedez që është fitues i Grammy që punon mbi 40 vite si gazetar i industrisë së muzikës në Suedi dhe do të flasim për herë të parë për shumë gjëra sa i përket jetës time, si karrierës ashtu edhe jetës private, për gjëra që nuk kam folur asnjëherë më parë dhe besoj që përfundohet këtë vit dhe do të del në fund të vitit, ose në fillim të 2023 dhe do të dal në televizionet suedeze fillimisht, është në gjuhën angleze dhe atë suedeze”, ka thënë Dafina.
