Kryeministri i Malit të Zi, Dritan Abazoviç, ka pranuar ftesën e presidentit ukrainas Volodymyr Zelensky, që ta vizitojë kryeqytetin e Ukrainës – thuhet në një deklaratë të lëshuar nga kabineti i kryeministrit të Malit të Zi.
Zelensky gjatë 9 qershorit ka realizuar një bisedë telefonike me Abazovçin, të cilin e ftoi për një vizitë në Kiev.
“Siç është paralajmëruar, kreu i ekzekutivit Abazoviç do të iniciojë idenë për një vizitë të përbashkët në Kiev të kryeministrave të vendeve të Ballkanit Perëndimor, në veçanti të atyre vendeve nga rajoni që janë anëtare të NATO-s, me qëllim që të dërgohet mesazhi i unitetit nga Ballkani Perëndimor, ku këto vende mbështesin sovranitetin dhe integritetin e Ukrainës”, thuhet ndër tjera në deklaratë.
Abazoviç gjatë bisedës telefonike me Zelenskyn e ka njoftuar se Mali i Zi ka hapur dyert për refugjatët nga Ukraina.
