Ylli i TikTok, Cooper Noriega ka ndërruar jetë në moshën 19-vjeçare disa orë pas një postimi të frikshëm në llogarinë e tij në rrjetin social.
TMZ raportin se Cooper është gjetur pa ndienja në një parking jashtë Los Anxhelosit, ku menjëherë kanë mbërritur ndihma e shpejtë për ta shpëtuar. Burimet e TMZ thanë se Cooper nuk ishte në automjet dhe nuk kishte shenja dhune në trupin e tij duke shtuar se nuk dyshohet për ndonjë vrasje të qëllimshme.
Shkaku i vdekjes nuk është përcaktuar, ndërsa autoritetet ende po hetojnë.
Vetëm disa orë para se të ndërronte jetë, ai postoi një foto të tij në TikTok me mbishkrimin, “Kush tjetër mendon se do të vdesë i ri”.
