Kombëtarja e volejbollit ka shënuar një fitore 3-0 ndaj Bosnje Hercegovinës duke qenë shumë pranë në fazën tjetër të Kampionatit Europian.
Kuqezinjtë triumfuan për herë të dytë ndaj kombëtares boshnjake. Shqipëria fitoi 25:16 setin e parë, 25:17 të dytin dhe 25-21 të tretin.
Kjo ishte fitorja e tretë e kombëtares në Grupin B, ku për momentin renditemi në vendin e dytë, duke lënë pas Maqedoninë e Veriut dhe Bosnjen.
Ndeshja e fundit në grup do të zhvillohet përballë Rumanisë kryesuese në transfertë, sfidë që do luhet më 12 qershor.
