Ish-banorja e “BBV”, blogerja Sarah Berisha, e ftuar në “Natë me Aulonën”, ka zbuluar më shumë për lidhjen e saj me Dj PM.
Blogerja tregoi se distanca i ka lodhur, por takohen çdo javë dhe gjërat po shkojnë shumë mirë: “Këto vajtjet-ardhjet Tiranë-Prishtinë na lodhi pak por është turp ta themi se ka çifte me vite larg. Takohemi çdo javë.”
E pyetur nëse është xheloze, Sarah u shpreh se vajzat i afrohen edhe kur janë bashkë, por ajo ka besim tek ai.
“Kur u njohëm ishim në këtë profesion. Do ishte e tepër të bëhem xheloze se luan muzikë. Edhe kur jemi bashkë gocat afrohen për foto. Nëse ndonjëra afrohet dhe e puth normale që është e tepër. Kam shumë besim te ai. Ma ka dhënë sigurinë kështu që jam shumë e qetë. Ka disa gjëra në çift që nuk i pëlqen dhe në BBV nuk i kemi folur. Por janë disa gjëra për të cilat duhet të bëjmë kompromis.”
Për planet e së ardhmes, Sarah tha: “Nuk e kemi menduar të ardhmen. Po shijojmë këtë fazën kështu dhe unë nuk mund të lëviz jashtë Shqipërisë. Edhe PM ka familjen dhe punën në Kosovë është shumë shpejt. Më vonë nuk i dihet”.
