Dy shtetas britanikë dhe një maroken, të cilët u kapën duke luftuar për Ukrainën, janë deklaruar pjesërisht fajtorë në një gjykatë në të ashtuquajturën Republika Popullore e Donetskut (DPR), sipas mediave shtetërore ruse.
Aiden Aslin, 28 vjeç, nga Nottinghamshire, Shaun Pinner, 48 vjeç, nga Bedfordshire dhe shtetasi maroken Saaudun Brahim u panë në një video të procedurave gjyqësore të publikuar nga agjencia e lajmeve Ria Novosti.
Në video, Aslin dukej se u deklarua fajtor për një akuzë më të vogël që përfshinte armë dhe eksplozivë.
Ai u pa duke qëndruar pas hekurave duke shfletuar disa faqe dokumentesh ligjore ndërsa lexohej akuza. Kreu i DPR, Denis Pushilin, tha të hënën se dënimi me vdekje nuk mund të përjashtohej për të tre.
