Aktori i humorit Agron Llakaj ka publikuar në llogarinë e tij në Facebook foton e një tabele e cila ishte e vendosur në zonën ku ndodhet tigri në Kopshtin e ri Zoologjik të Tiranës.
Në tabelën paralajmëruese shkruhet: “Ju lutemi qëndroni të sigurt! Tigrat i duan fëmijët por ata janë të vështirë për t’u tretur. Kështu që ju lutemi qëndroni prapa”.
Llakaj shprehet i revoltuar se kjo është një shprehje e shëmtuar ndaj dhe bën thirrje se pavarësisht nga ku mund të jetë marrë të hiqet menjëherë.
“Mirëmëngjesi! Kjo tabelë është vendosur në Kopshtin Zoologjik të Tiranës…një shprehje e shëmtuar, nga kudo ku është marrë, duhet të hiqet urgjent. Më shumë se e shëmtuar.”-shkruan aktori.
