Pas votimit me 78 vota pro në Kuvendin e Shqipërisë Kryeministri Edi Rama ka dhënë një deklaratë për shtyp.
Kemi arritur objektivin që kemi patur. Të gjitha reagimet flasin për këtë gjë, përjashtuar ndonjë reagim pa lidhje të hapësirës politikë. I kemi dhënë Shqipërisë një president normal, në aspektin e humanizmit dhe të përkushtimit për vendin dhe njerëzit.
Morët vetëm një votë nga opozita?
Nuk ka asnjë rëndësi se cili ka qenë përfundimi aritmetik i këtij procesi, rëndësi ka që ky është kurorëzuar me një provë të prekshme për të gjithë që PS është këtu për Shqipërinë dhe jo për veten. Për të bërë më të mirën që aktiviteti ynë të shkojë në interesë të vendit dhe jo thjeshtë të njërës palë.
A jeni i lumtur?
Lumturia është një fjalë shumë e madhe, por ajo që mund të them është se më vjen mirë që një proces aspak i lehtë me një sallatë palësh në anën tjetër të gjysmësferës së parlamentit, ne kemi arritur t’i japim jetë një procesi, ku të gjithë kanë pasur mundësi të kontribuojnë dhe ku ka dalë një figurë e paidentifikueshme me ne, por me qytetarin shqiptar dinjitoz dhe të respektueshëm, me njeriun bensik ndaj vendit dhe detyrës me shembullin e një burri të qetë.
Duket se patët edhe ndihmën e Ilir Metës?
Këto janë pa vlerë. Rëndësi ka që Shqipëria pas një periudhe dramatike në zyrën e kreut të shtetit do të ketë një president normal.
Ka një padi në SPAK për zotin Begaj për pronat e ushtrisë?
Këto janë muhabete pa lidhje, sepse padi në këtë vend ka shumë dhe se ato janë një nga sportet kombetare që janë zhvilluar shumë me proceset demokratike se më parë zhvilloheshin me letra anonime. Nuk më bën përshtypje ky fakt. Jam këtu dhe më vjen mirë të them se kemi mundur t’i japim shqiptarëve një shëmbull se nuk jemi këtu për vete, por me ta dhe për ta. Të tjerat do t’i tregoj koha.
Ajo që sot është përmbyllur është puna e një kohe jo të shkurtër dhe aspak e lehtë e lidershipit të PS dhe grupit parlamentar.
Ju vjen keq që nuk patët një figurë konsensuale?
Se kemi pritur kurrë të kishim konsnensur me të vdekurit, por jemi këtu për të patur konsensur me të gjallët.
