Pas 7 vitesh i zhdukur eshtrat e të riut Mariglen Gjonaj do të prehen në Fushë-Mamurras.
Analizat e ADN-së konfirmuan se mbetjet kockore që u gjetën në fillim të prillit në Fushë Kuqe, i përkasin të riut që ishte zhdukur në vitin 2017 pa asnjë gjurmë.
Menjëherë pas indetifimit, eshtrat e Maringlen Gjonaj janë tërhequr nga familjarët e tij në Fushë-Mamurras. Ata kanë hapur dyert e mortit për t’i dhënë lamtumirën e fundit djalit të tyre.
Xhaxhai i Mariglenit, Fran Gjonaj nuk e kishte menduar se i riu mund të kishte patur këtë fund tragjik, duke kërkuar që të zbardhet ngjarja dhe autorët e këtij krimi makabër të vihen para drejtësisë.
“Na ndihmoi zoti, u bë e mundur gjetja e eshtrave. Të paktën edhe ne ngushëllohemi e marrim njëfarë ngushëllimi si familjar. Patjetër kemi apel për shtetin, duam të dimë se kush na e bëri këtë. Ne nuk i kemi pasur borxh njeriu. Kërkojmë drejtësi”, tha ai për mediat.
Kafka dhe mbetjet kockore u pikasen nga një banor pasditen e 3 prillit në një zonë me ferra dhe shkurre në anë të rrugës që lidh Fushe Kuqen me Adriatikun. Pas ekzaminimeve të kryrera, ekspertiza biologjike e kryer mes profilit të ADN-së së nënës dhe eshtrave të gjetura, ka konfirmuar se ata i përkasin Maringlen Gjonajt i cili u zhduk në rrethana misterieze në vitin 2015 dhe dyshohet të jetë vrarë nga persona ende të paidentifikuar.
