Moderatorja Dojna Mema ka realizuar një mini-intervistë me ndjekësit në rrjete sociale. Një ndjekëse i ka kërkuar të flasin për vetëbesimin dhe depresionin. Duket se prezantuesja e njohur është një dëgjuese dhe motivuese shumë e mirë, ndonëse nuk do që të marrë këtë rol në Instagram.
“Pa dashur të bëhem si ‘pseudo-motivuese’, Instagrami që nuk kam dëshirë, po ndaj vetëm atë që mendoj unë, sepse për këto gjëra nuk ka receta të gatshme. Arritjet janë shumë personale, sepse ajo që mund të konsideroj unë arritje për veten time për dikë tjetër nuk është. Harroji standardet që vendos shoqëria mbi arritjet për të qenë e suksesshme, se ndoshta ato nuk janë të njëjtat që të bëjnë ty të lumtur. Nuk duhet kërkuar lumturia tek të tjerët por tek vetja. Nuk do lodhem kurrë së thëni këtë, sado postulat klishe tingëllon. Gjithçka fillon dhe mbaron tek ti. Lumturia jote varet vetëm nga ti dhe dëshira për të qenë e lumtur. Organizo mendimet, emocionet, radhit prioritetet, numëro bekimet që të ka dhënë jeta, merr frymë thellë dhe nis duke ndryshuar diçka sado të vogël çdo ditë.”– ka shkruar ajo.
