Gennaro Gattuso do të rikthehet në pankinë, pasi qëndroi pushim sezonin e fundit. Italiani ishte zyrtarizuar te Fiorentina, por qëndroi vetëm pak ditë dhe palët ndanë rrugët.
Tashmë raportohet se Gattuso ka nënshkruar me klubin e Valencias në LaLiga dhe kështu për herë të parë ai do të provojë një eksperiencë në Spanjë.
Gianluca Di Marzio shkruan se Gattuso ka nënshkruar deri në qershor 2024 dhe do të përfitojë 3 milionë euro në sezon.
Në të shkuarën italiani ka punuar edhe në Zvicër e Greqi, ndërsa në Itali ka drejtuar klube si Milani e Napoli.
