Presidenti Gazment Demi e konfirmoi publikisht Dritan Mehmetin në krye të skuadrës, por takimi i famshëm mes tyre ende nuk është zhvilluar.
Trajneri pritet të jetë në krye të skuadrës në Kupat e Europës, por përpara kësaj me siguri do të ketë një diskutim me presidentin. Pas suksesit të arritur në këto 5 muaj në krye të ekipit, Mehmetit i lind e drejta të kërkojë përmirësim të kushteve financiare të kontratës, me presidentin Demi, që gjithashtu është i gatshëm të ulet e të diskutojë për të gjetur një zgjidhje.
Mehmeti pritet të ketë fuqi në vendimmarrje edhe në merkaton e verës, ku të gjithë lojtarët do të duhet të marrin miratimin e tij, përpara se të firmosin me Partizanin.
