“Eurovision”, përveç kritikave, i ka sjellë edhe disa përfitime Ronela Hajatit. Një prej tyre janë dhe fansat e shumtë në shtetin spanjoll. Kjo, dhe jo vetëm, duket se i ka ngjallur dëshirën Ronelës të dojë të jetojë në Spanjë. Të paktën kështu ka lënë ajo të nënkuptohet në një status në Twitter.
Këngëtarja ka shkruar: “Dua të jetoj në Spanjë, mirupafshim!” Kaq ka mjaftuar të krijojë aludime nëse ajo po mendon vërtetë largimin nga Shqipëria apo është thjeshtë një dëshirë e këngëtares por jo në planet e afërta.
Kujtojmë se, në një intervistë së fundmi, Ronela ka thënë se do shfrytëzojë çdo mundësi që do i japë festivali europian i muzikës, përfshirë edhe tentimin e tregut ndërkombëtar. Madje, ajo njoftoi në rrjetet sociale se projekti i ardhshëm do jetë në italisht.
