Një burrë u gjet i vdekur në Liqenin Taylor në Largo, SHBA. Atoritetet thanë se dyshojnë që ai është vrarë nga krokodilët.
Burri u gjet nga një vizitor në Taylor Park dhe policia u kontaktua rreth orës 8 të mëngjesit të së martës. Sipas ABCnews, identiteti i burrit nuk është bërë i ditur pasi pritet që të afërmit e tij ta konfirmojnë.
Sipas Komisionit për Ruajtjen e Peshkut dhe Kafshëve të Egra në Florida, dyshohet se viktima ishte rreth 47-vjeç dhe po peshkonte në liqen në momentin kur krokodili e ka sulmuar.
Kafshimet fatale të krokodilëve janë të rralla. Nga viti 1948 deri në vitin 2021, Florida raportoi 442 incidente të kafshimit të paprovokuar nga krokodilët, 26 prej të cilave mbetën të vdekur.
Gjasat që dikush të plagoset rëndë gjatë një incidenti të paprovokuar me krokodilë në Florida është afërsisht një në 3.1 milion, sipas Komisionit për Ruajtjen e Peshkut dhe Botës së Egër në Florida.
