Këngëtari indian, Krishnakumar Kunnath, i njohur gjerësisht si KK, ka ndërruar jetë në moshën 53-vjeçare.
Dyshimet e para janë se artisti ka humbur jetën si pasojë e një ataku në zemër pak orë pasi zhvilloi një koncert këtë të martë.
“Times of India” dhe mediat e tjera lokale shkruajnë se Kunnath nuk u ndje mirë teksa performonte në një koncert në Kalkuta. Pas shfaqjes, ai thuhet se u ankua se ndihej jashtëzakonisht i ftohtë dhe donte të kthehej në hotelin e tij.
53-vjeçari u dërgua me urgjencë në spital, por fatkeqësisht ndërroi jetë.
