Qëndrim Januzi, vëllai i reperit Buta, dyshohet se qëlloi për vdekje 30-vjeçarin Gazmend Hyseni pak pas mesnatës së të premtes.
Mediat kosovare raportojnë se dy të përfshirët në këtë krim kanë pasur miqësi të ngushtë. Madje, janë përleshur me të tjerët, në mënyrë që ta mbrojnë njëri-tjetrin. Thuhet se arsyeja që çoi deri tek vrasja dyshohet se erdhi si pasojë e djegies së makinës së Butës nga Strella, e cila kishte vlerën e mbi 70 mijë euro.
Së fundmi në programin “Debat Plus” është diskutuar se sa ndikojnë tekstet e reperave ku shajnë njëri-tjetrin.
Reperi Gold Ag ka shprehur keqardhjen për të dyja familjet dhe shtoi se nuk e kishte pritur kurrë që në Kosovë të ndodhnin vrasje për shkak të teksteve muzikore.
“Në Kosovë vrasje për shkak të repit nuk ka pasur, por vetëm rrahje sidomos prej vitit 2000. Nuk do të kisha besuar se në Kosovë mund të ndodhin vrasje për shkak të muzikës. Ne nuk mund të shkojmë deri në atë gjrndje sa të vritemi për shkak të një fjale të një kënge dhe rasti në fjalë mua më ka prekur shumë dhe shpresoj të mos ndodhi më jo vetëm për sa i përket muzikës por edhe fjalëve”- tha artisti.
