Rrëzohet sërish kërkesa e demokratëve për ngritjen e një komisioni hetimor për investimet strategjike.
Enkelejd Alibeaj, ka deklaruar se demokratë kanë ridepozituar kërkesën për ngritjen e një komisioni hetimor për investimet strategjike. Por, ai zbuloi se anëtarët e mazhorancës në Konferencën e Kryetarëve e kanë rrëzuar këtë kërkesë të PD, gjatë mbledhjes me dyer të mbyllyra.
“Ne ridepozituam kërkesën, tashmë jo me 35, por me 37 firma. Në mënyrën më antikushtetuese, antiligjore, nga ana e anëtarëve të mazhorancës në konferencë rrëzohet kjo kërkesë. Rregulli, Kushtetuta, e do që instanca e fundit që shprehet për ngritjen e një komisioni hetimor është seanca, por as këtë nuk e lejuan. Kjo çështje demaskoi qëndrimin e mazhorancës. Investimet strategjike, familjare strategjike në kurriz të pasurive publike, duket se është një skandal i madh, ndaj i largohen si djalli nga temjani”, tha Alibeaj për gazetarët pas mbledhjes.
Lexo edhe:
