Trajneri Mirel Josa ia ka dalë të fitojë një tjetër trofe në karrierën e tij, duke siguruar Kupën e Shqipërisë në pankinën e Vllaznisë.
Një triumf i përjetuar me shumë emocione nga lojtarët të cilët kanë ndjekur trajnerin dhe e kanë parë si objektiv të arritur edhe falë punës së këtij tekniku, ndonëse për pak javë.
Kjo lidhje e lojtarëve me trajnerin u pa pak minuta pas festës së trofeut. Teksa ai po bëhej gati jepte një intervistë për “SuperSport”, lojtarët i bënë “dushin” e zakonshëm me ujë, të përjetuar me shumë humor edhe nga vetë tekniku.
