Në orën 16:00 të ditës së sotme përfundon afati për partitë politike që të depozitojnë në Kuvend kandidatë për raundin e tretë për presidentin e ri të Republikës.
Deri në mesditë në Kuvend nuk është dorëzuar asnjë emër nga opozita, pasi PS publikisht ka deklaruar që deri në raundin e tretë mazhoranca nuk do të propozojë kandidatë.
Të hënën në orën 10:00 do të zhvillohet seanca e posaçme plenare për të ezauruar edhe këtë raund të fundit që kërkon 84 vota.
Pas të hënës, procedurat parlamentare i hap rrugë zgjedhjes së kreut të shtetit me shumicë të thjeshtë, e cila i jep mundësi Edi Ramës që të zgjedhë presidentin vetëm me votat e partisë së tij.
