“Dashuri dhe Turbulenca”, filmi që vijon të shfaqet në kinematë shqiptare, ka shumë histori prapaskenash. Stjuardesa italiane, Françeska, e cila interpretohet nga Olimpia Smajlaj, e ftuar në “Rudina”, tregoi më shumë për këtë projekt.
Në “Dashuri dhe turbulenca”, Olimpia i ka pasur turbulencat më të mëdha me Danielin ( aktorin Gentian Zenelaj) gjatë skenave të puthjeve, të cilat paskan qenë pak të sikletshme në fillim.
“Për sa i përket realizimit të puthjeve nuk është se ishte shumë e vështirë, mbase vetëm dubla e pare, që akoma nuk ka pasur një kontakt fizik mes teje dhe personit tjetër, që është pak e sikletshme, por pastaj që duhet të bësh shumë dubla, sepse është pjesë e procesit, nuk është më problem.”- tha Olimpia.
Sa dubla bëtë?
“Aq sa donte Dionis Papadhimitri. Dublat janë pafund, ke planet përballë që janë të dyja, planet vetëm për mua, planet vetëm për Gentin, ke sa të duash”.
