Një magazinë është përfshirë nga flakët mëngjesin e sotëm duke u djegur plotësisht në fshatin Burimas, Maliq.
Fatmirësisht 56-vjeçarja e identifikuar me inicialet N. B., ka mundur ti shpëtonte flakëve që përfshinë magazinën e saj. Sipas policisë nga veprimet e para hetimore dyshohet se zjarri është shkaktuar nga një shkëndijë elektrike.
Grupi hetimor po punon me zbardhjen e ngjarjes ndërkohë materialet i kanë kaluar në Prokurorinë pranë Gjykatës së Shkallës Parë Korçë, për ngjarje aksidentale.
Njoftimi i policisë:
Më datë 27.05.2022, në fshatin Burimas, Maliq, ka rënë zjarr në magazinën e shtetases N. B., 56 vjeçe, banuese në Burimas, e cila për pasojë është djegur plotësisht.
Nga veprimet e para hetimore dyshohet se zjarri është shkaktuar nga një shkëndijë elektrike. Materialet u referuan në Prokurorinë pranë Gjykatës së Shkallës Parë Korçë, për ngjarje aksidentale.
